Ég fékk þetta kaffi að gjöf meðan við bjuggum úti í London. Vinir okkar, Helga og Þórhallur, komu í heimsókn frá Íslandi og færðu okkur þetta fyrir gistinguna. Ég hafði ekki smakkað það og ekki einu sinni séð það í búðinni hjá Te & Kaffi. Þetta kaffi kom reglulega á óvart, virkilega fyllt, dökkristað og bragðmikið án þess að vera beiskt. Nafnið er því mjög lýsandi fyrir þetta kaffi, það hentar einstaklega vel á kvöldin eftir góðan mat.