Þetta er frekar mikið brennt kaffi og því auðveldara í meðförum en mörg önnur. Eins og með aðrar mikið brenndar kaffitegundir er það svolítið eintóna og það vottar aðeins fyrir kolafílingi bæði af kaffinu og eftirbragðinu en þó má öðru hvoru greina ávaxtakeim í því. Það er sæmileg fylling í því en mætti alveg vera meiri. Ágætis hversdagskaffi en ekkert mikið meira en það.