Keypti þetta kaffi þegar ég þurfti að fara í Harrods um daginn. Var forvitinn að vita hvort daman í kaffinu hjá þeim vissi eitthvað um kaffi. Kom mér skemmtilega á óvart að hún virtist alveg vita sínu viti og að þeir eru með ferskt kaffi, aldrei mera en viku gamalt (viku frá ristun) sem er nú bara gott miðað við að þetta er ekki sérhæfð kaffiverslun heldur stórverslun. Þó kaffið sé ekki þeirra brennsla þannig séð þá er það selt undir þeirra merkjum. Gott frekar milt með miklum skörpum sítrus keim. Liggur mjög framarlega á tungunni og er með ágætis fyllingu en fer ekki mikið fyrir mildum undirtónum. Stöðugleikinn í því var ekki alveg nógu góður, var stundum biturt og flatt þó oftast væri það ágætt.