Starbucks er án efa stærsta og þekktasta kaffihús heims. Það sem mér finnst þó einkenna húsblönduna hjá þeim er að hún er mjög dökkt ristuð og því verður espressóinn súr og oftast bitur. Ástæðan fyrir því að hún er svona dökk er líklegast til að það komi smá kaffibragð í gegnum alla mjólkina og allt annað sem sett er í vinsælu drykkina þeirra eins og Latte, Caramel Machiato og hvað þetta nú allt heitir. Starbucks fær samt plús fyrir það að þó espressóinn sé ekki eins og ég vil hafa hann þá er hann samt mjög stöðugur hjá þeim. Það virðist vera sama hvar maður fer, espressóinn er nær alltaf eins (að undanskildu einu atviki þar sem ég fékk þann alversta drykk sem ég hef fengið, ég þurfti að leifa honum og það er nú ekki mikið magn til að leifa...).