Bollinn var frekar léttur, soldið súr, einsleitur og sat aftarlega á tungunni. Eftirbragð var einnig súrt en þó ekki beiskt og minnti í raun á Illy’s (sem ég er nú reyndar ekki mjög hrifinn af). Þetta var allt í lagi kaffi en ég myndi samt ekki fara aftur þangað nema ekkert annað væri í boði. Því miður geri ég mér ekki alveg nógu vel grein fyrir því hvort það hafi verið kaffið sjálft sem var ekki betra en þetta eða bara óvanur starfsmaður. Þetta gæti auðveldlega hafa verið gott kaffi en sökum kunnáttuleysis eða áhugaleysis kaffibarþjónsins hafi útkoman ekki verið betri.