Þegar við Sigrún vorum í Tokyo varð ég að sjálfsögðu að þefa uppi einhver kaffihús. Ég leitaði töluvert og fann að lokum þetta, Zoka. Þetta er upprunalega keðja frá Seattle í Bandaríkjunum sem er búin að opna í Tokyo. Þrátt fyrir smá tungumálaörðuleika þá gat ég pantað mér kaffi og með því án mikilla vandkvæða. Þegar þeir heyrðu að ég var útlendingur var reyndar kallað í þann sem var á vakt og kunni mestu útlenskuna. Kom mér svolítið á óvart hvað afgreiðslufólkið var slappt í ensku miðað við hvað það var allt ungt og þetta jú amerísk keðja. En hvað um það, tungumálakunnátta starfsfólks skiptir ekki öllu máli. Kaffihúsið var mjög hlýlegt og opið og mikið framboð á með 'í m.a. grænar skonsur (skonsur með grænu tei) sem voru alveg ágætar. Þetta var mjög snyrtilegt kaffihús og greinilegt að Japanir eru mun vanari að taka til eftir sig á kaffihúsi en Íslendingar eða Bretar.